Што можна бязпошлінна завесці ў Беларусь
Хтосьці падарожнічае ўлегцы. Хтосьці, наадварот, бярэ з сабой больш багажу, каб пазбегнуць няўлічаных нечаканасцей. Праблем на беларускай мяжы ў запаслівых падарожнікаў не ўзнікне, калі выконваць шэраг нескладаных правіл.
Колькі грошай браць з сабой
Колькасць наяўных грошаў і/або дарожных чэкаў, якія магчыма ўзяць з сабой, не абмяжоўваецца. Калі вы адначасова ўвозіце ў Беларусь больш за $10 тыс. у эквіваленце, проста азначце ўсю суму ў пасажырскай мытнай дэкларацыі.
Таксама ў дэкларацыі павінны быць азначаны – у выпадку наяўнасці – грашовыя інструменты (за выключэннем вышэйзгаданых дарожных чэкаў):
- вэксалі,
- банкаўскія чэкі,
- каштоўныя паперы ў дакументарнай форме, якія сведчаць абавязацельства эмітэнта (даўжніка) па выплаце грашовых сродкаў, у якіх не ўказана асоба, якой ажыццяўляецца такая выплата.
Колькі асабістых рэчаў прапусцяць без мытных плацяжоў
Плаціць пошліну не трэба, калі агульная вага тавараў для асабістага карыстання ў вашым багажы не перавышае 50 кг, а іх агульны кошт – не больш за €1500.
Гэтая норма распаўсюджваецца, акрамя іншага, на алкагольныя напоі, піва, тытунь і тытунёвыя вырабы. Алкаголю павінна быць не больш за 3 літры, цыгарэт – 200 (альбо 50 цыгар (цыгарыл), або 250 грамаў тытуню). І, зразумела, забаронены ўвоз алкаголю і тытунёвай прадукцыі асобам ва ўзросце да 18 гадоў.
Перавысілі агульную норму ў 50 кг? За кожны лішні кілаграм давядзецца заплаціць 30% (не менш за 4 еўра за 1 кг) ад мытнага кошту тавараў, што ўвозяцца звыш нормы.
Для лішняга алкаголю існуе свая стаўка – €10 за 1 літр, але больш за 5 літраў мытня не прапусціць.
Ёсць таксама былыя ва ўжыванні тавары для асабістага карыстання, на якія норма ў 50 кг і €1500 не распаўсюджваецца. У дадатак да апісанага вышэй багажу вы можаце правезці без неабходнасці плаціць пошліну (у колькасці, неабходным для выкарыстання ў перыяд часовага знаходжання): ювелірныя вырабы, прадметы асабістай гігіены, пераносныя музычныя інструменты, дзіцячыя каляскі і аўтамабільныя крэслы, калыскі для інвалідаў, інвентар і прылады для спорту, турызму і палявання, партатыўныя дыялізатары і аналагічныя медыцынскія прыборы, а таксама выдаткоўваныя матэрыялы да іх. Электронікі можна бяспошлінна прывезці па адзінцы фота-, відэа-, кінакамер, пераносных кінапраектараў, праектараў для прагляду слайдаў, партатыўнай гуказапісвальнай апаратуры (у тым ліку дыктафоны), DVD-плэераў, партатыўных радыёпрыёмнікаў, флэш-плэераў, тэлевізараў (з дыяганаллю экрана не больш за 42 см), партатыўных персанальных кампутараў. Выключэнне – мабільныя тэлефоны: не аплачваючы пошліну, можна завезці два. Прыладаў для тэхнікі павінна быць у колькасці, неабходнай для выкарыстання ў перыяд паездкі. Наколькі багаж адпавядае гэтым патрабаванням, супрацоўнікі мытні вызначаюць, абапіраючыся на падрабязныя метадычныя рэкамендацыі.
Што ўлічваць, калі едзеце на аўтамабілі
Замежныя грамадзяне могуць завезці аўтамабіль або матацыкл ў Беларусь, не выплачваючы пошліны і падаткі, на тэрмін да 1 года. Пры гэтым першапачатковы тэрмін – 3 месяцы, па заканчэнні якога неабходна звярнуцца ў мытню для падаўжэння.
Часова ўвезеныя транспартныя сродкі могуць выкарыстоўвацца на тэрыторыі Мытнага саюза (у яго, акрамя Беларусі, уваходзяць Расія і Казахстан) толькі тымі фізічнымі асобамі, якія іх завезлі.
Да заканчэння гадавога тэрміну машыну трэба вывезці з тэрыторыі Мытнага саюза, альбо, заплаціўшы ўсе прадугледжаныя пошліны, прадаць, падарыць і г. д. Пры ўездзе ў Беларусь не патрабуецца даплочваць мытні за паліва, якое знаходзіцца ў баку аўтамабіля/матацыкла, і дадатковыя 10 літраў у асобнай ёмістасці.
УВАГА! З 1 жніўня 2013 года ў Беларусі працуе сістэма электроннага збору платы за праезд па некаторых беларускіх дарогах. З падрабязнай інфармацыяй аб платных дарогах Беларусі можна азнаёміцца па гэтай спасылцы.
Што нельга правесці
Наркатычныя сродкі, псіхатропныя рэчывы і іх прэкурсоры могуць перамяшчацца ў Беларусь выключна ў выглядзе лекавых сродкаў для асабістага выкарыстання па медыцынскіх паказаннях у абмежаваных колькасцях. Неабходнасць іх выкарыстання павінна абгрунтоўвацца адпаведнымі дакументамі.
У спіс забароненых да ўвозу прадметаў таксама ўваходзяць друкаваныя і аўдыёвізуальныя матэрыялы, якія змяшчаюць:
- заклікі да ажыццяўлення экстрэмісцкай і тэрарыстычнай дзейнасці або публічнае апраўданне тэрарызму;
- парнаграфію;
- агітацыю, калі яны выраблены або распаўсюджваюцца з парушэннем патрабаванняў заканадаўства краін Мытнага саюза аб выбарах і рэферэндумах;
- якія прапагандуюць нацысцкую атрыбутыку або сімволіку (альбо аб'екты, падобныя з імі да ступені змяшэння).
Даведка:
- пункт 2 артыкула 8 Пагаднення аб парадку перамяшчэння фізічнымі асобамі тавараў для асабістага карыстання праз мытную мяжу Мытнага саюза і здзяйснення мытных аперацый, звязаных з іх выпускам: «Транспартныя сродкі для асабістага карыстання, якія перамяшчаюцца любым спосабам, за выключэннем транспартных сродкаў для асабістага карыстання, зарэгістраваных на тэрыторыі дзяржаў — членаў мытнага саюза, якія часова вывозяцца з мытнай тэрыторыі мытнага саюза і назад, якія ўвозяцца на такую тэрыторыю, належаць мытнаму дэклараванню ў пісьмовай форме.»;
- частка першая артыкула 11 Пагаднення аб парадку перамяшчэння фізічнымі асобамі тавараў для асабістага карыстання праз мытную мяжу Мытнага саюза і здзяйснення мытных аперацый, звязаных з іх выпускам: «Транспартныя сродкі для асабістага карыстання, зарэгістраваныя на тэрыторыі замежнай дзяржавы, часова ўвозяцца на мытную тэрыторыю мытнага саюза замежнымі фізічнымі асобамі любым спосабам з вызваленнем ад выплаты мытных плацяжоў могуць выкарыстоўвацца на мытнай тэрыторыі мытнага саюза фізічнымі асобамі, якія ажыццявілі іх ўвоз»;
- пункт 3 артыкула 358 Мытнага кодэкса Мытнага саюза: «Перадача права карыстання і (або) распараджэння часова увезенымі таварамі для асабістага карыстання, у тым ліку транспартнымі сродкамі, іншай асобе на мытнай тэрыторыі мытнага саюза дапускаецца пры ўмове іх мытнага дэкларавання і выплаты мытных плацяжоў у парадку, вызначаным мытным заканадаўствам мытнага саюза.».
- частка 2 артыкула 14.7. Кодэкса Рэспублікі Беларусь аб адміністрацыйных правапарушэннях: «Выкарыстанне транспартных сродкаў, якія знаходзяцца пад мытным кантролем у парушэнне прадугледжанага заканадаўствам парадку: Перадача права карыстання і (або) распараджэння увезеных на мытную тэрыторыю Еўразійскага эканамічнага саюза транспартнымі сродкамі для асабістага карыстання, зарэгістраванымі на тэрыторыі замежнай дзяржавы, іншым асобам у парушэнне устаноўленага парадку, а роўна невываз з мытнай тэрыторыі Еўразійскага эканамічнага саюза такіх транспартных сродкаў да заканчэння ўстаноўленага тэрміну часовага ўвозу цягнуць накладанне штрафу ў памеры ад пяці да трыццаці базавых велічынь з канфіскацыяй транспартных сродкаў незалежна ад таго, у чыёй уласнасці яны знаходзяцца, або без канфіскацыі.».