Дзеянні, звязаныя з рэгiстрацыяй актаў грамадзянскага стану
У адпаведнасці з Указам Прэзідэнта Рэспублікі Беларусь ад 12 чэрвеня 2006 г. № 385 «Аб некаторых мерах па ўдасканаленню работы органаў запiсу актаў грамадзянскага стану» консульскія ўстановы, а таксама дыпламатычныя прадстаўніцтвы Рэспублікі Беларусь у выпадку выканання імі консульскіх функцый праводзіць рэгістрацыю:
- нараджэння
- заключэння шлюбу
- устанаўлення бацькоўства
- змены прозвiшча, уласнага iмя, iмя па бацьку
- смерцi
- скасавання шлюбу па рашэннях судоў, якія ўступілі ў законную сілу да 1 верасня 1999 года.
Акрамя гэтага дыпламатычныя прадстаўніцтвы і консульскія ўстановы Рэспублікі Беларусь:
- змяняе, выпраўляе, дапаўняе запіс актаў грамадзянскага стану
- анулюе і аднаўляе запіс актаў грамадзянскага стану на падставе рашэння суда
- захоўвае кнігі рэгістрацыі актаў грамадзянскага стану
- выдае паўторныя пасведчанні аб рэгістрацыі актаў грамадзянскага стану.
У сваёй дзейнасці консульскія ўстановы, а таксама дыпламатычныя прадстаўніцтвы Рэспублікі Беларусь у выпадку выканання імі консульскіх функцый кіруюцца:
- Канстытуцыяй Рэспублікі Беларусь;
- Кодэксам Рэспублікі Беларусь аб шлюбе і сям'і ад 9 лiпеня 1999 года;
- Законам Рэспублікі Беларусь ад 28 кастрычніка 2008 года «Аб асновах адміністрацыйных працэдур»;
- Указам Прэзідэнта Рэспублікі Беларусь ад 26 красавіка 2010 г. № 200 «Аб адміністрацыйных працэдурах, якія ажыццяўляюцца дзяржаўнымі органамі і іншымі арганізацыямі па заявах грамадзян»;
- Указам Прэзідэнта Рэспублікі Беларусь ад 12 чэрвеня 2006 г. № 385,
- Палажэннем аб парадку рэгістрацыі актаў грамадзянскага стану і выдачы дакументаў і (або) даведак органамi, якiя рэгiструюць акты грамадзянскага стану, зацверджаным пастановай Савета Міністраў Рэспублікі Беларусь ад 14 снежня 2005 г. № 1454;
- іншымі актамі заканадаўства.
Спіс дакументаў, якія прадстаўляюцца грамадзянамі Рэспублікі Беларусь у мэтах рэгістрацыі акта грамадзянскага стану, а таксама тэрміны і кошт ажыццяўлення такога дзеяння ўстаноўлены ў Пераліку адміністрацыйных працэдур.
Дакументы, выдадзеныя кампетэнтнымі органамі замежных дзяржаў, прымаюцца пры ўмове іх легалізацыі, калі іншае не ўстаноўлена міжнароднымі дагаворамі Рэспублікі Беларусь, і перакладу на адну з дзяржаўных моў Рэспублікі Беларусь у парадку, вызначаным заканадаўствам.