Аб сустрэчы Пасла з начальнікам першага ўпраўлення галоўнага ўпраўлення Еўразіі МЗС Ірана
03.01.2021 г.30 снежня 2020 года адбылася сустрэча Надзвычайнага і Паўнамоцнага Пасла Рэспублікі Беларусь у Ісламскай Рэспубліцы Іран Юрыя Лазарчыка з начальнікам першага ўпраўлення галоўнага ўпраўлення Еўразіі МЗС Ірана Маджтабой Дамірчылу.
Бакі абмеркавалі пытанні гандлёва-эканамічнага і палітычнага ўзаемадзеяння, удасканалення дагаворна-прававой базы. Асаблівая ўвага нададзена актывізацыі дзейнасці рабочых груп па ўсіх напрамках супрацоўніцтва і падрыхтоўцы 15-га пасяджэння Змешанай беларуска-іранскай міжурадавай камісіі, запланаванага да правядзення ў Мінску ў першай палове 2021 г.