Памятка аштамабілісту ў Беларусі

Пакрокавая інструкцыя 

1. Азнаёмцеся з асноўнымі аўтадарожнымі пунктамі пропуску і абярыце аптымальны маршрут. 

2. Падрыхтуйце усе неабходныя дакументы на машыну. 

Замежныя грамадзяне і асобы без грамадзянства, якія часова знаходзяцца або часова пражываюць у Рэспубліцы Беларусь, пры кіраванні механічным транспартным сродкам абавязаны мець: 

• вадзіцельскае пасведчанне міжнароднага ўзору; 
• сведчанне аб рэгістрацыі транспартнага сродку; 
• дазвол органа сувязі на выкарыстанне сродкаў радыё- і спадарожнікавай сувязі пры іх наяўнасці на транспартным сродку; 
• страхавы поліс (калі аўтамабіль зарэгістраваны за межамі Беларусі, яго ўладальнік павінен заключыць дагавор страхавання «Зялёная карта» на дадзены транспартны сродак з адной з страхавых арганізацый сваёй краіны, упаўнаважанай на заключэнне такіх дагавораў. У выпадку адсутнасці «Зялёнай карты» неабходна заключыць дагавор пагранічнага страхавання з адной з страхавых арганізацый Беларусі пры ўездзе на яе тэрыторыю. Час афармлення поліса звычайна не перавышае 10 хвілін). 

Рэгістрацыйныя знакі на аўтамабілі павінны быць выдадзенымі кампетэнтным органам дзяржавы, у якім ён зарэгістраваны. 

3. Памятайце, што пропуск транспартных сродкаў праз дзяржаўную мяжу ўключае пагранічны, мытны, а пры неабходнасці санітарна-каранцінны, ветэрынарны, фітасанітарны і іншыя віды кантролю. Пры перасячэнні мяжы аўтамабіліст павінен унесці даныя аўтамабіля ў мытную дэкларацыю.

Прыдарожны сэрвіс 

Адлегласць паміж прыдарожнымі пунктамі харчавання – 30-60 км.

Станцыі тэхнічнага абслугоўвання ўздоўж ажыўленых трас размяшчаюцца, як правіла, на адлегласці не больш за 80 км адзін ад аднаго, пункты пастою – на адлегласці 100-150 км. Тыповы беларускі аб'ект прыдарожнага сэрвісу ўяўляе сабой аўтазаправачную станцыю з невялікай крамай. 

Паліва

Аўтазаправачныя станцыі на ажыўленых трасах размешчаны ў сярэднім на адлегласці 30-40 км адна ад адной, на менш ажыўленых – на адлегласці 50-60 км. На аўтазаправачных і аўтагазазаправачных станцыях прадаецца паліва наступных марак:

• аўтамабільны бензін Нармаль-80; 
• аўтамабільныя бензіны АІ-92-10 (экалагічна палепшаныя, з паніжаным утрыманнем серы і бензолу);
• бензін аўтамабільны АІ-95-Еўра; 
• паліва дызельнае аўтамабільнае EN 590; 
• паліва дызельнае аўтамабільнае «Арктыка» EN 590; 
• біядызельнае паліва EN 590; 
• прапан-бутан аўтамабільны. 

З сярэдзіны 2012 года на беларускіх АЗС можна набыць дызельнае паліва еўрапейскага стандарту якасці Еўра-5.

Платныя дарогі

1 жніўня 2013 года ў Беларусі ўведзена ў камерцыйную эксплуатацыю сістэма электроннага спагнання платы за праезд BelToll.

Па стане на 1 снежня 2019 года платнымі з'яўляюцца ў агульнай складанасці 1787 км дарог краіны.

Выкарыстанне сістэмы BelToll з'яўляецца абавязковым для вадзіцеляў, якія кіруюць наступнымі відамі транспартных сродкаў:

• транспартныя сродкі, зарэгістраваныя за межамі мытнага саюза (пасажырскія аўтамабілі і пасажырскія мікрааўтобусы) з тэхнічна дапушчальнай агульнай масай не больш за 3,5 т;
• іншыя транспартныя сродкі (грузавікі, аўтобусы і дамы на колах) з тэхнічна дапушчальнай агульнай масай больш за 3,5 т. 
  

Для транспартных сродкаў з тэхнічна дапушчальнай агульнай масай не больш за 3,5 тоны з краін Еўразійскага эканамічнага саюза праезд застаецца бясплатным.   

Ад платы за праезд па платных дарогах таксама вызваляюцца:

• транспартныя сродкі з тэхнічна дапушчальнай агульнай масай не больш за 3,5 тоны, не зарэгістраваныя на тэрыторыі дзяржаў-членаў Еўразійскага эканамічнага саюза, увезеныя фізічнымі асобамі на мытную тэрыторыю Еўразійскага эканамічнага саюза альбо набытыя фізічнымі асобамі на тэрыторыі дзяржаў-членаў Еўразійскага эканамічнага саюза і ўвезеныя на тэрыторыю Рэспублікі Беларусь, і прычэпы, якія буксіруюцца імі, — на працягу 10 дзён адпаведна з дня іх выпуску мытнымі органамі ў мэтах абарачэння на мытнай тэрыторыі Еўразійскага эканамічнага саюза без абмежаванняў па карыстанні і распараджэнні або з дня іх набыцця;
• мапеды і матацыклы;
• колавыя трактары і самаходныя машыны, зарэгістраваныя на тэрыторыі Беларусі;
• транспартныя сродкі аператыўнага прызначэння;
• транспартныя сродкі, якія выкарыстоўваюцца ў мэтах забеспячэння абараназдольнасці і правапарадку;
• маршрутныя транспартныя сродкі, якія ажыццяўляюць гарадскія перавозкі пасажыраў;
• транспартныя сродкі, якія выкарыстоўваюцца ў мэтах аказання медыцынскай дапамогі, ліквідацыі НС або перавозак грузаў гуманітарнай дапамогі. 

Памер платы за праезд залежыць ад агульнай масы аўтамабіля і колькасці восяў.  

Міністэрствам транспарту і камунікацый Рэспублікі Беларусь устаноўлены наступныя тарыфы для разліку памеру платы за праезд транспартных сродкаў па платных аўтамабільных дарогах у залежнасці ад дапушчальнай агульнай масы транспартнага сродку і колькасці восяў:

• Транспартны сродак з дапушчальнай агульнай масай не больш за 3,5 тон –0,04 еўра/км;
• Транспартны сродак з дапушчальнай агульнай масай больш за 3,5 тон з 2 восямі – 0,09 еўра/км;
• Транспартны сродак з дапушчальнай агульнай масай больш за 3,5 тон з 3 восямі – 0,115 еўра/км;
• Транспартны сродак з дапушчальнай агульнай масай больш за 3,5 тон з 4 і больш восямі – 0,145 еўра/км. 
  

Для таго, каб аплачваць праезд, кіроўцам неабходна зарэгістравацца ў сістэме BelToll, заключыць кантракт і ўзяць пад заклад устройства электроннай аплаты. Гэта можна зрабіць у адным з пунктаў абслугоўвання кліентаў (адрасы і графік працы таксама размешчаны на сайце www.beltoll.by).  Аператыўна атрымаць інфармацыю аб працы сістэмы BelToll, аб транспартных сродках, на якія распаўсюджваюцца абавязацельствы па аплаце за праезд, аб дзеючых тарыфах і ўстаноўцы бартавой прылады можна па тэлефоне інфалініі + 375 (172) 798 798, якая працуе 24 гадзіны 7 дзён на тыдзень.

Асаблівасці руху па беларускіх дарогах 

У Беларусі правабаковы рух. 

Дарожныя знакі – міжнароднага ўзору. Большасць – на кірыліцы (рускі алфавіт). Аднак знакі на асноўных транспартных вузлах прадубляваныя на лацінцы (англійскі алфавіт). Абмежаванне хуткасці руху 60 км/ч (37 міль/ч) – у населеных пунктах, 90 км/ч (55 міль/ч) – па-за населеных пунктаў. Выключэнне – асобныя ўчасткі, на якіх дзейнічае абмежаванне хуткасці 120 км/г (75 міль/ч). 

У Беларусі распаўсюджаны радарны кантроль хуткасці. Акрамя таго, на некаторых аўтамагістралях (у першую чаргу на М-1/Е30) устаноўлены камеры аўтаматычнай фіксацыі перавышэння хуткасці. Дарожная паліцыя Беларусі – Дзяржаўная аўтамабільная інспекцыя (скарочана па-руску – ГАИ, па-беларуску – ДАІ). Інспектары ДАІ маюць уніформу з жоўтымі святлоадбівальнымі палосамі. Кіроўца абавязаны спыняцца па патрабаванні супрацоўніка ДАІ ў форменным адзенні. Дадзенае патрабаванне павінна быць пададзена шляхам сігнала жазлом, жэстам рукі, з дапамогай гучнай прылады або шляхам уключэння на транспартным сродку аператыўнага прызначэння маячка чырвонага колеру. У цёмны час сутак па-за населенага пункта побач з супрацоўнікам ДАІ знаходзіцца транспартны сродак аператыўнага прызначэння з уключаным маячком. 

У Беларусі забаронена ўжыванне любой колькасці алкаголю за рулём (у тым ліку піва). Па патрабаванню супрацоўніка ДАІ кіроўца абавязаны прайсці агляд на прадмет вызначэння стану алкагольнага або наркатычнага ап'янення.

Кіроўцу забаронена карыстацца падчас руху апаратам радыё- і тэлефоннай сувязі, не абсталяваным тэхнічнай прыладай, якая дазваляе весці перамовы без выкарыстання рук. Ён абавязаны быць прышпілены і перавозіць пасажыраў з прышпіленымі рамянямі бяспекі пры руху ў аўтамабілі, абсталяваным адпаведным чынам. 

На трасе М-1/Е30 ўстаноўлена 45 пунктаў экстранай сувязі з дыспетчарам дарожна-эксплуатацыйнай службы, скарыстаўшыся якімі можна выклікаць ДАІ, хуткую медыцынскую або тэхнічную дапамогу.