Наведванне парку «Аўгустоўскі канал» без візы

Замежныя грамадзяне могуць прыехаць у Беларусь на тэрыторыю спецыяльнага турысцка-рэкрэацыйнага парку «Аўгустоўскі канал» і прылеглыя да яго тэрыторыі без атрымання віз.

Перайсці Дзяржаўную мяжу Рэспублікі Беларусь можна з Рэспублікай Польшча – у пунктах пропуску Лясная (Рудаўка), Брузгі (Кузніца Беластоцкая); з Літоўскай Рэспублікай – у пунктах пропуску Прывалка (Швяндубрэ), Прывалка (Райгардас).

Наведваць без візы можна наступныя тэрыторыі:

• Сапоцкінскага сельскага савета;
• Гожскага сельскага савета;
• Подлабенскага сельскага савета;
• Капцёўскага сельскага савета;
• Адэльскага сельскага савета;
• г. Гродна.

Падставай для наведвання парка «Аўгустоўскі канал» без візы з'яўляецца дакумент вызначанага ўзору, які выдае замежнаму грамадзяніну беларуская турыстычная фірма.

Для атрымання дадзенага дакумента турысту неабходна:

• звярнуцца ў турыстычную фірму, якая мае права на афармленне такіх дакументаў;
• атрымаць дакумент, які дае права ўезду на тэрыторыю парку «Аўгустоўскі канал» без візы.

Перад выездам неабходна аформіць страхавы поліс на знаходжанне ў Рэспубліцы Беларусь.

Пры бязвізавым ўездзе ў Рэспубліку Беларусь замежны грамадзянін у пункце пропуску абавязаны прад'явіць:

• сапраўдны дакумент для выезду за мяжу (пашпарт);
• дакумент вызначанага ўзору, якi дае права на наведванне (афармляецца турыстычнай фірмай);
• медыцынскую страхоўку.